Sa para do të marrin arsimtarët?  – Në maj nis efekti i vendimit për shtesën me 7%

Rreth 35 mijë arsimtarë pritet të marrin shtesën në pagat e tyre  duke filluar që prej muajit maj, pas zyrtarizimit të vendimit për rritjen e pagave me 7 % për mësuesit.

Shtesa në pagë do të varet nga  diploma, vjetërsia dhe kualifikimi i gjithsecilit. Por sa do të jetë kjo shtesë? sipas përllogaritjeve të bëra nga SCAN diploma e mësuesit të shkollës së mesme vlerësohet me 14. mijë lekë të cilës i shtohet edhe  2% për çdo vit pune e më pas paga e cila do të rritet me 7%.

Çka do të thotë se  një mësues  gjimnazi  në maj pritet të  marrë  një pagë prej 45 mijë lekësh  nga  42.3 mijë lekë që merrte më parë.

Ndërsa  për drejtorët është bërë një ndarje në bazë të numrit të nxënësve në shkollat që ata drejtojnë. Për drejtorët  e shkollave të mesme  të cilët kanë më shumë se 700 nxënës paga pritet të bëhet 61 mijë lekë nga  58 mijë e 300.

E njëjta  shtesë pritet të jetë edhe për drejtorët e shkollave për nxënësit me aftësi të kufizuara. Ndërkohë që për mësuesit  e shkollave 9 vjeçare paga pritet të rritet deri në 42 mijë lekë,  nga  39 mijë lekë për ciklin e lartë,  dhe  36.6 nga 34.6 për atë të ulët. Ndërsa për drejtorët  e shkollave 9 vjeçare  të cilat kanë mbi 700 nxënës paga do të rritet nga 47.8 mijë lekë në 50.8 mijë lekë.

Ndërsa për drejtorët e shkollave 9 vjeçare, që kanë një numër më të ulët nxënësish deri në 300, paga do të rritet deri në 48.5 mijë nga 46.7 mijë lekë që është aktualisht.

    Paga aktuale                                              Paga  e rritur

Mësues gjimnazi                                          42.300                                                        45.000

Drejtor  gjimnazi    (mbi 700 nx)              58.300                                                        61.000

Drejtor  gjimnazi    (deri 300 nx)             57.2 00                                                         58.700

Mësues të shkollave (A. të kufizuara)     42.300                                                          45.000

Drejtor  gjimnazi   (aftësi të kufizuara)   58.300                                                          61.000

Mësues 9-vjeçare  (cikli  i lartë)                39 .000                                                        42.000

Mësues 9-vjeçare  (cikli  i ulët)                 34 .600                                                         36.600

Drejtor shk. 9-vjeçare  (mbi 700 nx)      47.800                                                           50.800

Drejtor shk. 9-vjeçare  (deri në 300 nx)46.700                                                           48.500

Nertila Doko/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.