Sa përdorues ka në Twitter? Kompania rrit vlerën dhe ‘account-et’ pavarësisht politikave të reja
Aksionet në Twitter u rritën me 5% të Mërkurën, pasi kompania postoi tremujorin e saj të dytë në të cilin të ardhurat kaluan 1 miliard dollarë, me 28% më shumë se vitin e kaluar.
Numri i përdoruesve të medias sociale kaloi 192 milion në tremujor, plus 27%, pavarësisht zgjedhjeve në SHBA që rezultuan në një goditje “të vogël, por të matshme”.
Megjithatë, përdoruesit e përditshëm aktivë ranë paksa larg pritshmërive të Wall Street për një rritje në 196.5 milion përdorues. Por Twitter tha që disa ndikime negative nga ndryshimet e politikave të bëra vitin e kaluar “ia vlejnë sepse mbrojnë integritetin e debateve rreth periudhës së zgjedhjeve në SHBA.”
Tëitter u përball me presion në rritje në fund të vitit të kaluar, me kërkesa për të goditur dezinformimin gjatë fushatës së zgjedhjeve presidenciale 2020.
Rreth asaj kohe, kompania filloi të ngjiste etiketa nëpër postime të caktuara për të nxjerrë në pah pretendimet e diskutueshme nga përdoruesit. Twitter-et e ish-Presidentit Donald Trump përfshinin shumë etiketa të tilla pasi ai pretendoi se votimi përmes postës do të çonte në një “Zgjedhje të manipuluar”.
Kompania më në fund ndaloi Trump përgjithmonë nga platforma e saj pas një rrethimi të dhunshëm në ndërtesën e Kapitolit të SHBA në 6 Janar.
D.B – SCAN
Burimi: Business Insider
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.