Sa perime po prodhohen Shqipëri? Tre zonat me nivelin më të lartë

Shqipëria ka tejkaluar nivelin e 1 milion tonëve të prodhimit të perimeve.

Referuar statistikave zyrtare të INSTAT, në vitin 2018 prodhimi i perimeve ishte 1 milion e 166 mijë ton,  duke shënuar një rritje vjetore rreth 1,25 %, krahasuar me vitin 2017.

Nëse krahasojnë nivelin e prodhimit, rezulton se për çdo vit Shqipëria po rrit në mënyrë progresive sasinë e perimeve që prodhon.

Në vitin 2014, Shqipëria prodhonte 950 mijë ton perime dhe gradualisht ka tejkaluar nivelin e mbi 1.1 milion tonëve.

E sa i përket zonave që prodhojnë më shumë, sipas INSTAT, niveli më i lartë i prodhimit të perimeve është në qarqet Fier me 418 mijë e 921 ton, Tiranë me 127 mijë e 176 ton dhe Berat me 118 mijë e 687 ton.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.