Sa të papunë përfituan nga programet në 1 vit? 3 milionë euro për 600 biznese, femrat më aktive për t’u punësuar
Mbi 5 mijë individë kanë përfituar nga programet e nxitjes së punësimit në një vit. Sipas të dhënave zyrtare të Agjencisë Kombëtare të Punësimit dhe Aftësive, për periudhën Janar- Dhjetor 2019 nga zbatimi i programeve të nxitjes për vitin 2019 kanë përfituar 600 subjekte dhe 5,338 individë, nga të cilët 325 subjekte dhe 2,749 individë janë aplikimet e vitit të kaluar. Fondi total i vënë në dispozicion për këtë qëllim vitin e kaluar ishte afro 3 milionë euro.
Sa i takojmë përfshirjes së punëkërkuesve të papunë në programet e nxitjes së punësimit sipas grupeve të veçanta, rezulton se femrat kanë nivelin më të lartë të pjesëmarrjes me afro 3,045 punëkërkuese të papuna apo 57% e totalit të pjesëmarrësve. Rreth 6% janë nga ndihma ekonomike; 8% nga ish përfituesit e ndihmës ekonomike; 17% punëkërkues të papunë afatgjatë; 1% Romë, 3% Egjiptianë; 2% persona me aftësi të kufizuar; dhe më shumë se 1% emigrantë të kthyer. Së fundmi, kanë hyrë në fuqi edhe tre programe të reja punësimi, të cilat synojnë të riintegrojnë në treg individët që dolën të papunë si pasojë e situatës të shkaktuar nga Covid-19, për të cilët do të aplikohet punësim 4,8 dhe 12 mujor në kompanitë që do të shfaqin interes dhe që plotësojnë kriteret.
Elisabeta Dosku / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.