Sa të “prekshme” janë investimet? – Crawford: Të trembur nga deklaratat politike
Ndërsa qeveria përgatit legjislacion të sigurt për investimet e huaja dhe vendase, vetë investitorët janë të trembur sa i përket varësisë që kanë ndaj ndryshimit të forcave qeverisëse dhe deklaratave politike për anulim apo konfiskim koncesionesh.
“Normalisht ato koncesione që janë të padrejta duhet të jenë anuluar nëse ka korrupsion. Nëse deklarata është e gjerë, do të thotë që të gjithë janë të korruptuar, pra të gjitha koncesionet të anulohen, atëherë kjo gjë nuk është e mirë për investitorin. Sepse nuk ka siguri për të investuar tani, duke mos fituar se çfarë do ndodhë në të ardhmen. Por nëse është një deklaratë që kërkon rishikimin e gjithë koncesioneve, kjo nuk është keq, por është frika që ka rrezik politik. Dikush thotë që gjithçka që ka bërë LSI ose çdo gjë që ka bërë PD a PS është keq. Kjo e frenon pak motivimin për investim”, u shpreh Mark Crawford, President i Dhomës Amerikane të Tregëtisë.
Së shpejti pritet që të shkojë në Kuvend edhe ligji për investimet e huaja, efektet të cilit përfundojnë në 31 dhjetor 2018, ku do të kërkohet një shtyrje 1-vjeçare.
Elisabeta Dosku/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.