Sa të sigurt e kemi punën? – Indeksi i elasticitetit të punës 2020, Shqipëria ndër vendet e fundit në Europë
Vetëm Bosnje Hercegovina, Maqedonia e Veriut dhe Armenia kanë një renditje më të dobët se Shqipëria në Indeksin Global të Elasticitetit në Punë 2020 (GLRI), të publikuar nga “Whiteshield and Partners” gjatë punimeve të takimit vjetor të Forumit Ekonomik Botëror në Davos të Zvicrës. Vendi ynë renditet i 66-ti ndër 145 shtete në këtë indeksin global, vetëm një pozicion më mirë se viti 2015, kur edhe është publikuar indeksi i mëparshëm.
Por, çfarë është indeksi global i elasticitetit në punë? Tregu i punës dhe sidomos pozicionet që gjithsecili mban sot në punën e tij, janë të rrezikuara seriozisht nga evoluimi, sidomos nga teknologjitë e reja. Ky indeks tregon pikërisht këto rreziqe, nivelin e përgatitjes për t`u përshtatur me një revolucion teknologjik, se sa e mbrojtur është një ekonomi e caktuar nga këto rreziqe, pra se sa elastike është ndaj ndryshimeve drastike. Indeksi përllogaritet mbi bazën e dy nën-indikatorëve kyç, atë strukturor dhe atë të politikave.
Në këtë të fundit, Shqipëria renditet e 58-ta në botë, ndërsa në atë të strukturës së tregut të punës, në vendin e 68-të në botë. Në nivel global, në vend të parë qëndron Zvicra e ndjekur nga Singapori dhe Shtetet e Bashkuara të Amerikës.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.