Sa të sigurta janë urat dhe rrugët në Shqipëri pas tërmetit! – Njoftimi i Autoritetit Rrugor Shqiptar
ARRSH ka njoftuar se janë ngritur grupet e punës për evidentimin e dëmeve të tërmetit. Grupet e punës janë në terren duke kryer konstatimet në çdo objekt të prekur.
Pas tërmeteve të përsëritura supervizori i kompanisë së mirëmbajtjes dhe ARRSH, kanë marrë vendimin e mbylljes së Mbikalimit të Shkozetit për shkak të disa dëmtimeve në mbikalim, si ai i elementeve antisizmik. ARRSH ka marrë masat për devijimin e trafikut.
Sipas Autoritetit Rrugor Shqiptar në të gjitha akset kryesore të vendit qarkullimi kryhet pa problem. Nga inspektimi vizual ne terren rezultoi se në urat e Rajonit verior nuk ka probleme. Në jug lëkundjet janë ndier në Fier më shumë, por pa probleme.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.