‘My Salaam’ artikull për Shqipërinë – Pesë gjërat më të mira për të bërë në Tiranë

‘My Salaam’, një blog shumë i njohur për udhëtimet, ushqimin, kulturën, një përpjekje e përbashkët midis Qendrës Islamike për Zhvillimin e Ekonomisë Dubai dhe Thomson Reuters i ka kushtuar së fundmi një artikull të veçantë Shqipërisë. Artikulli ndalet veçanërisht te pesë gjërat që mund të bëjë një turist në kryeqytet.

“Kryeqyteti i Shqipërisë i ofron myslimanëve një shije të Mesdheut. Megjithëse e kaluara e saj otomane u varros në dekadat e sundimit komunist, qyteti ende u ofron vizitorëve një ndjenjë të thellë të historisë së saj islame,” e nis shkrimin e saj ‘My Salaam.’ Më tej, keni edhe 5 sugjerime lidhur me aktivitetet dhe pikat më interesante që ofron Tirana.

1.E cilëson Tiranën si vendin ideal për të shijuar një filxhan kafeje. “Thith atmosferën e Mesdheut duke pirë një ekspres të shkëlqyer në një nga kafenetë e Tiranës. Për shkak të afërsisë me Italinë, fqinji më kulturor me ndikim në Shqipëri, kryeqyteti mban një ndikim të pashmangshëm italian në ushqimin dhe modën e tij me çmime shumë më të lira.”

2.“Dëgjoni thirrjen për lutjet nga xhamia Et’hem Bej ndërsa shëtitni në sheshin Skënderbej rrethuar nga monumentet historike dhe burimet vallëzuese,” shkruan ‘My Salaam’. Ndërkohë, vazhdon më tej se  70 për qind e shqiptarëve janë të besimit islamik, megjithëse vlerësohet se vetëm rreth 4 për qind e popullsisë praktikon myslimanizmin.

3.‘My Salaam’ ndalet edhe te e kaluara komuniste, ku sipas saj mund të mësohet shumë nëpërmjet muzeut Bunk’Art. “Një muze i ri i quajtur Shtëpia e Gjetheve, e vendosur në qendër të qytetit, që ishte selia e mëparshme e policisë së fshehtë, e cila mbante skeda për qytetarët dhe ambasadat e huaja nëpërmjet kabinave telefonike dhe metodave të tjera të mbikëqyrjes,” shton më tej.

4. Në artikull nuk mbeten pa përmendur edhe prodhimet e freskëta shqiptare, suveniret apo dhurata. “Ju do të gjeni ullinjtë më të mirë të tryezës shqiptare nga Berati, erëza të freskëta apo të thata dhe perime turshi.”

5. “Merrni një udhëtim ditor në male. Merrni në një autobus blu në Porcelan nga kulla e vjetër e sahatit kulla dhe shkoni pranë stacionit që dërgon vizitorë deri në Parkun Kombëtar të Malit të Dajtit. Për 400 lekë (3.50 USD), ju merrni një udhëtim kthimi në teleferik me pamje frymëmarrëse të qytetit dhe maleve përreth. Mali i Dajtit ofron shumë argëtim për të gjithë familjen, me terrene sportive, pistë kalërimi dhe restorante. Është gjithashtu një piknik i madh,” përfundon artikulli i ‘My Salaam.’

G.Dobra/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.