Salvini do luftojë jashtë Qeverisë – Do të shfrytëzojë mbështetjen e italianëve për referendume

Matteo Salvini tha se partia e tij Liga do të zhvillojë një serë referendumesh në përpjekje për të penguar reformat e qeverisë së re,  duke i quajtur tradhtarë aleatët në koalicion.

Liga drejtoi qeverinë së bashku me lëvizjen 5 yjet për 14 muaj, përpara se Salvini të shpërbënte koalicionin muajin e kaluar, në përpjekje për të sjellë zgjedhje të parakohshme dhe zgjeruar pushtetin.

Megjithatë, lëvizja 5-yjet u bashkua me ish-armikun, Patinë Demokrate pro-Europës, për të krijuar një administratë të re dhe larguar Salvinin drejt opozitës.

“Me kurajon për të qenë i lirë, populli italian nuk është skllav i askujt. E kemi thënë në të gjitha gjuhët.  Ja lëmë pëshpëritjet e Merkel dhe Makron tradhtarëve të popullit italian”, është shprehur kryetari i Ligës , Matteo Salvini

Salvini premtoi referendume për të zhbërë legjislacionin e planifikuar,  përfshirë një ndryshim në ligjin elektoral që mund ta bëjë më të vështirë që Liga të marrë pushtetin në të ardhmen.

Referendumet në Itali mbahen nëse kërkohet nga të paktën 500,000 votues. Premtimet anti-emigracion,  kanë bërë që Liga të fitojë mbështetje pas zgjedhjeve kombëtare të 2018-ës, duke u bërë partia më e madhe në Itali.

Qeveria e re lejoi zbarkimin e një anije franceze me 82 afrikanë që kishte shpëtuar nga Libia, duke treguar se do ketë një qasje më të butë ndaj emigrimit.

SCAN 

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.