Samiti rajonal i digjitalizimit, Rama: “Sfidë e përbashkët për Ballkanin Perëndimor heqja e roaming”
Ministeriali i dixhitalizimit për Ballkanin Perëndimor, ka filluar punimet në pallatin e kongreseve në Tiranë. Kryeministri Edi Rama duke folur para të ftuarve, tha se një sfidë e përbashkët e rajonit mbetet heqja e tarifave roming, ndërsa në lidhje me Shqipërinë ai theksoj se janë hedhur hapat e modernizimit të shërbimeve, duke i ofruar pothuajse 95% të shërbimeve online.
“Vendet e Ballkanit Perëndimor e kanë përqafuar këtë sfidë dhe po punojnë për të ndikuar individualisht sa më shumë të jetë e mundur vizionin e përbashkët për të zbatuar me të gjitha vështirësitë një treg të vetëm brenda rajonit. Nuk ka qenë e lehtë më shumë dukej sesa ishte, por sot kemi një dakordësi më të madhe për shengenin rajonal. Finalizimi i procesit për të hequr tarifat Roaming duhet të jetë pjesë e objektivit tonë dhe diçka që duhet të punojmë fort. Ajo çfarë ka ndodhur është një zbulim që na tregon se sa shumë ne mundemi dhe duhet të bëjmë dhe sa do të bënim nëse nuk do të kishim problem për ta kuptuar shpejt dhe për të bashkëpunuar shpejt me njëri tjetrin, Asgjë nuk na ndalon që ta shndërrojmë këtë cep të Europës në një qendër të shërbimeve digjitale” – u shpreh kryeministri Rama.
Arbër Hitaj / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.