Samsung pret rritje të madhe të fitimeve / Në 53% për T2. Do të jetë performanca më e mirë që prej vitit 2018
Samsung raportoi një rritje të mundshme me 53% në fitimin operues të tremujorit të dytë, duke thyer vlerësimet e tregut përballë rritje së çmimeve të mikroçipëve dhe kërkesës së lartë, pavarësisht shitjeve më të ulëta të smartphonave. Rezultati fillestar është në rritje me 33% nga tremujori i parë dhe vë në dukje rritjen e kërkesës për çipe që ka shteruar inventarët, përballë kërkesës së nxitur nga pandemia për pajisje elektronike dhe rimëkëmbjes së investimeve në qendrat e të dhënave. Prodhuesi më i madh në botë i çipeve të memories dhe i smartphonave, deklaroi se fitimi për tremujorin që përfundoi më 30 Qershor, pritet në 11 miliardë dollarë, shumë sipër projeksioneve të analisteve. Nëse konfirmohet më vonë gjatë muajit, do të jetë fitimi më i madh i gjigantit të teknologjisë për tremujorin e dytë që prej vitit 2018.
Klevis Llaha – SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.