Sanchez i Spanjës do të vazhdojë me mocionin e besimit të kryeministrit, duke rrezikuar zgjedhje të reja

Kryeministri i përkohshëm i Spanjës Pedro Sanchez do të caktojë një datë për një votim parlamentar për të vendosur nëse ai mund të qëndrojë në rolin aktual, tha një burim i partisë socialiste, pasi bisedimet për të formuar një qeveri me aleatin e tij më të ngushtë kanë dështuar.

Votimi do të shkaktojë një shtytje prej rreth dy muajsh për të përsëritur zgjedhjet, nëse Sanchez nuk merr mbështetje të mjaftueshme. Një burim socialist tha të martën se negociatat me partinë e majtë Podemos, të cilësuar si aleati më i afërt i Sanchez, janë ngadalësuar, pasi Podemos refuzon të përjashtojë votimin kundër kandidaturës së Sanchez.

“Kryeministri Pedro Sanchez do të takohet më 2 korrik me kryetarin e parlamentit Meritxel Batet për të caktuar një datë për votim, Spanja nuk ka kohë për të humbur dhe ka nevojë për një qeveri sa më parë të jetë e mundur”, tha një burim i partisë socialiste. Socialistët e Sanchez fituan zgjedhjet e prillit, por nuk arritën të sigurojnë shumicën, që do të thotë se ata kërkojnë mbështetjen e disa partive më të vogla për të formuar një qeveri. Të dy PP dhe Ciudadanos kanë refuzuar të mbështetin Sanchez.

Burimi: Reuters

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.