Sanofi heq dorë nga mARN – Gjiganti francez tërhiqet nga teknologjia e re, prej suksesit të rivalëve
Sanofi deklaroi se ka hequr dorë nga planet për të zhvilluar një vaksinë të vetën ndaj Covid-19 me teknologji të mARN, për shkak të rolit mbizotërues të aleancës Pfizer-BioNtech si dhe Moderna, në luftën kudnër pandemisë. Gjiganti francez i shëndetësisë do të përqëndrohet në bashkëpunimin me partnerin britanik, GlaxoSmithKline, për të ofruar një kandidat të vaksinës së Covid-19, bazuar në qasjen më tradicionale që sulmon proteinën lidhëse të virusit, ku dhe po bëhen prova në masë.
Vendimi i Sanofi për të hequr dorë nga zhvillimi i vaksinës ne teknologjinë e mARN, pasi bleu kompaninë Translate Bio, vjen pavarësisht rezultateve pozitive të provave në fazën 1 dhe 2, ku gjaku i pjesëmarrësve tregoi reagim të fortë imunitar. Megjithatë, Sanofi deklaroi se rezultati e inkurajoi që ta ndjekë këtë teknologji për një vaksinë të ardhshme kundër gripit, apo sëmundje të tjera, duke u tërhequr nga fusha e Covid-19, për shkak të prezencës së fortë në treg të 2 vaksinave të miratuara. “Këto rezultate na ndihmojnë me rrugëtimin tonë në programet e vaksinave me mARN”- tha Jean Francois Toussaint, shefi i hulumtimeve boëtore dhe zhvillimit tek Sanofi Pasteur.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.