‘ScienceAlert’: Po vjen një modë e çuditshme. Shushunjat po mbahen si kafshë shtëpiake! Shumë po i përdorin për kurën e vjetër
Qen, mace, kanarina, gjarpërinj….e tani duket se ka ardhur koha e shushunjave. Lista e gjatë e kafshëve që ne njerëzorët kemi transformuar, ose përpiqemi t’i transformojmë, në kafshë shtëpiake, po rritet nga viti në vit. ‘Focus’ shkruan se listës, kohët e fundit, po i shtohet dhe shushunja, një gjallesë e çuditshme por potencialisht edhe e rrezikshme. Në artikull evidentohet se “ScienceAlert” ka publikuar në profilet e saj në rrjetet sociale një prej shembujve të shumtë të asaj që duket se është tendenca e re; ajo e mbajtjes së shushunjave si kafshë shtëpiake! Jo vetëm: duket se disa pronarë të këtyre gjallesave kanë marrë zakonin e të ushqyerit të tyre me gjakun e tyre.
Shushunjat e ‘zbuluara’ nga ScienceAlert i përkasin ‘Hirudinaria manillensis’, lloj i afërt me shushunjën mjekësore europiane (Hirudo medicinalis) që është përdorur për shekuj me radhë për pastrimin e gjakut. Kjo specie është një specie aziatike që mund të arrijë dimensione deri në 20 centrimetra gjatësi dhe ushqehet me gjak. Zakonisht ka nevojë për një herë në disa muaj, por në raste ekstreme mund të shkojë deri në një ushqyerje të vetme në vit.
‘ScienceAlert ‘ sjell këshillat e shitësve të tyre të cilët këshillojnë që të ushqehen 1 herë në 3-6 muaj, në varësi të përmasave të gjallesës dhe t’u ofrohet atyre gjak, për të thënë, ‘ freskët’ që mund të gjendet edhe te kasapi i lagjes dhe të ngrohet para se t’i jepet.
Duhet evidentuar se nuk të këshillohet që ta ushqesh shushunjën me gjakun tënd; disa persona mund të jenë alergjikë ndaj sekrecioneve të tyre që kanë aftësinë që të mbajnë plagën të hapur gjatë ushqyerjes. Dhe në fund, ‘Focus’ e mbyll artikullin me një këshillë: Nëse na pyesni ne, ju këshillojmë që të qendroni në zonën ‘qen e mace’ kurzgjidhni kafshën tuaj shtëpiake…
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.