Sekreti për një biznes të suksesshëm
Shumë prej jush mendojnë se nuk ka rëndësi nëse ju jeni pronari i biznesit, drejtuesi i tij apo thjesht ai që keni dhënë idenë, jeni ju personi që duhet të bëni dallimin në biznes. Por në fakt nuk është kështu.
Suksesi i biznesit tuaj varet nga shumë komponentë. Fillimisht ajo që duhet të ngulsni mirë në kokë është se fakti të qenit pronari i biznesit nuk ju detyron të jeni drejtues i tij.
Shpeshherë ndodh që pronari i biznesit është person i ndryshëm nga menaxheri apo administrator i biznesit dhe kjo ndodh për shkak se suksesi i biznesit varet në personin që drejton biznesin dhe një njeri me përvojë nga i cili varet biznesi, nuk është gjithmonë pronari i tij.
Pra, si mund të ndikoni ju në suksesin e biznesit tuaj nëse nuk njihni dhe nuk keni të zhvilluar potencialin tuaj të lidershipit. Ngurrimi juaj për të rritur çmimet, klienti që pret që ju të jeni në dispozicion 24/7 etj këto janë të gjitha çështje lidershipi.
Ajo çka është më e rekomandueshme në fakt në momentin kur firma bën hapat e para të rritjes, është largimi i themeluesit nga postet menaxheriale të kompanisë dhe zëvendësimi i tij nga një person me përvojë në atë fushë.
Në këtë mënyrë mbarëvajtja e kompanisë do jetë më e sigurt sepse është në duart e dikujt me më shumë përvojë sepse rastet kur themeluesi i një kompanie është dhe një drejtues i shkëlqyer janë të pakta.
Por drejtuesi i biznesit nuk është i vetmi që ndikon në suksesin e tij. Suksesi nuk arrihet kurrë vetëm dhe njerëzit me të cilët ju punoni kanë një rëndësi shumë të madhe kur bëhet fjalë për mbarëvajtjen e një biznesi.
Nëse stafi juaj është bashkëpunues dhe personi që është në krye të biznesit ka aftësi të mira lidershipi, gjithçka do të shkojë për mrekulli.
Këto dy komponentë janë të rëndësishme për pjesën operative të biznesit por nuk duhet të lëmë pa përmendur edhe konsumatorët të cilët zënë pjesën më të rëndësishme nëse flasim për suksesin e një biznesi.
Viola Hydi/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.