Sekuestrohen 4 makina “luksi” në vlerën e 200 mijë eurove, Dogana: Kalimi i automjeteve në Shqipëri u bë me dokumente false
Strukturat e Drejtorisë së Hetimit të Drejtorisë së Përgjithshme të Doganave, në bashkëpunim me strukturat e Drejtorisë së Policisë Vendore Tiranë, sekuestruan katër automjete të modeleve Range Rover, Mercedes Benz CLS, Mercedes Benz S, prodhime të viteve të fundit me një vlerë rreth 200.000 euro.
“Këto automjete kishin hyrë në Shqipëri me dokumentacion të falsifikuar, duke shmangur detyrimet doganore në shumën 5.200.000 lekë. Materialet e para hetimore u referuan Prokurorisë Pranë Gjykatës së Shkallës së Parë Tiranë, për veprat penale “Kontrabandë me mallra të tjerë” dhe “Falsifikimi i dokumenteve” ” të parashikuar nga nenit 174/1 dhe 186/1 , si dhe veprën penale “ shpërdorimin e detyrës” parashikuar në nenin 248 të të Kodit Penal. Ndërkohë vijojnë më tej hetimet”, thuhet në njoftimin e Doganës.
os.de/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.