Sëmundjet ngjitëse – Bill Gates: Në ditët e sotme përhapen me shpejtësi, duhet të jemi sa më të përgatitur!
Nëse ka një gjë që e dimë nga historia, është se një sëmundje e re vdekjeprurëse do të lindë dhe do të përhapet rreth globit.
Kjo mund të ndodhë lehtësisht brenda dekadës së ardhshme. Në një diskutim rreth epidemive Bill Gates tha për dëgjuesit se ne nuk jemi gati nëse një epidemi do të binte.
Gates pranoi se ai është zakonisht optimist, duke kujtuar dhe nismat që janë bërë për heqjen e fëmijëve nga varfëria si dhe nismave për eliminimin e sëmundjeve të ndryshme si polio dhe malaria.
Por “ekziston një zonë ku vendi nuk po bën shumë përparim”, tha Gates
Mundësia që një sëmundje e tillë të shfaqet vazhdon të rritet. Patogjenët e rinj dalin gjatë gjithë kohës kur popujt e botës rriten dhe njerëzimi shkel në mjedise të egra. Është duke u bërë më e lehtë që individët ose grupet e vogla të krijojnë sëmundje që mund të përhapen si zjarri në të gjithë globin.
Sipas Gates, në ditët e sotme një aktor i vogël jo shtetëror mund të ndërtojë një formë vdekjeprurëse të lisë vetëm nëpërmjet një laboratori.
Dhe në botën tonë të ndërlidhur, me njerëz që janë gjithë kohën në lëvizje ku hipin e zbresin nga avionët, trenat e kalojnë nga një shtet në tjetrin diçka e tillë mund të përhapet lehtësisht në të gjithë botën.
Gates paraqiti një stimulim nga Instituti për Modelimin e Sëmundjeve që zbuloi se një grip i ri si ai që vrau 50 milionë njerëz në pandeminë e vitit 1918 tani do të vriste më shumë 30 milionë njerëz brenda gjashtë muajve.
V.H/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.