Senati Italian miraton uljen e moshës së votimit nga 25 në 18 vjeç – Ndryshimi “favorizon pjesëmarrjen e brezave të rinj në jetën politike”
Senati italian ka miratuar uljen e moshës së votimit në zgjedhjet e senatit nga 25 në 18 vjeç, duke hapur rrugën për katër milion të rinj për të marrë pjesë.
Italianët e moshës 18 vjeç ose më lart tashmë mund të votojnë në zgjedhjet kombëtare për dhomën e ulët të parlamentit të Italisë, Dhoma e Deputetëve.
Nëse ligjvënës të mjaftueshëm në secilën dhomë e kërkojnë atë në tre muajt e ardhshëm, një referendum kushtetues mbarëkombëtar mund të mbahet për të konfirmuar moshën e re të votimit për dhomën e sipërme legjislative.
Federico D’Inca, ministri i qeverisë për marrëdhëniet parlamentare dhe një anëtar i Lëvizjes populiste italiane 5 Yjet, tha se ulja e moshës së votimit për Senatin “favorizon pjesëmarrjen e brezave të rinj në jetën politike”.
Lëvizja me 5 Yje aktualisht mban më së shumti vende në legjislaturën italiane dhe është një partner në qeverinë e koalicionit të gjerë të Kryeministrit Mario Draghi. Zgjedhjet e ardhshme të Italisë janë planifikuar për në vitin 2023.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.