Sende historike me vlerë mbi 1 milion paund vidhen në një nga kalatë e Anglisë – Policia thirrje për informacion

Policia britanike po bën thirrje për informacion pasi sendet historike me vlerë mbi 1 milion paund u vodhën nga Arundel Castle.

Shkelja në Arundel Castle, në Sussex, Anglia jug-lindore, u zhvillua të Premten në mbrëmje. “Sende të ndryshme me një rëndësi të madhe historike janë vjedhur,” tha policia e Sussex.

Këto përfshijnë Rruaza ari të mbartura nga Mary Queen of Scots në ekzekutimin e saj në 1587, disa gota kurorëzimi dhe thesare të tjerë ari dhe argjendi. Të gjithë u morën nga një kabinet shfaqjeje përgjatë rrugës publike.

“Artikujt e vjedhur kanë vlerë të konsiderueshme monetare, pasi artefaktet unike të koleksionit të Dukës së Norfolk kanë një rëndësi historike jashtëzakonisht më të madhe dhe të paçmuar,” tha një zëdhënës i Kujdestarëve të Kalasë së Arundel.

Policia tani po shqyrton një automjet 4×4 të gjetur të braktisur dhe në flakë në Barlavington për të vërtetuar nëse është i lidhur me vjedhjen dhe po bën thirrje për informacion. Monumenti u rihap për publikun vetëm në 18 maj.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.