Serbia do të bëjë teste laboratorike të vaksinës Sputnik V të Rusisë – Kryeministrja e vendit vazhdon bisedimet me Pfizer gjithashtu

Serbia planifikon të fillojë testimin laboratorik të vaksinës Sputnik V të Rusisë kundër koronavirusit dhe ajo gjithashtu do të vazhdojë bisedimet me prodhuesin e ilaçeve Pfizer Inc rreth blerjes së dozave të saj, tha kryeministri i vendit.

Rusia do të dorëzojë 20 doza të vaksinës së saj në Serbi për prova laboratorike deri në fund të javës, tha zyra e Kryeministres Ana Brnabic në një deklaratë pasi foli përmes videokonferencës me ministrin e tregtisë dhe industrisë ruse Denis Manturov.

“Serbia është e interesuar në një mundësi të një prodhimi të përbashkët të vaksinës,” thuhej në  deklaratë.

Rusia ka thënë se rezultatet e provave të ndërmjetme tregojnë se vaksina e saj është 92% efektive në mbrojtjen e njerëzve nga COVID-19.

Deklarata gjithashtu tha se Brnabic do të vazhdojë bisedimet me Pfizer. Nuk ofroi detaje të tjera.

Para se Serbia të miratojë ndonjë vaksinë, ajo duhet të miratohet nga Agjencia e Barnave dhe Pajisjeve Mjekësore të vendit.

Deri më tani 175,438 njerëz janë sëmurë me COVID-19 në Serbi, e cila ka një popullsi prej 7,2 milion banorë, dhe 1,604 kanë vdekur prej saj.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.