Serbia do të sigurojë dozat e para të vaksinës së Pfizer javën e ardhshme
Serbia pret të marrë dozat e para të vaksinës COVID-19 të zhvilluar nga Pfizer dhe BioNTech javën e ardhshme, tha qeveria të Premten.
5,000 dozat e para të vaksinës do të mbërrijnë në Serbi të hënën ose të martën dhe ato do të përdoren për të mbrojtur të moshuarit në shtëpitë e pleqve, tha ministri i shëndetësisë Zlatibor Loncar në një deklaratë të qeverisë.
Agjencia serbe e ilaçeve lëshoi një leje importi për vaksinën të Enjten, tha Loncar. Sipas tij, Serbia ishte ndër të parat që mori vaksinat, sepse ishte një nga pesë vendet e para në botë që nënshkroi një marrëveshje me Pfizer.
Në fillim të këtij muaji, kompania farmaceutike me bazë në SHBA Pfizer dhe kompania gjermane e bioteknologjisë BioNTech aplikuan për regjistrimin e vaksinës së tyre COVID-19 në Serbi.
Vendi gjithashtu mori 20 dozat e para të vaksinës Sputnik V COVID-19 të Rusisë për teste laboratorike. (seenews)
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.