Serbia ka procesin e dytë më të shpejtë të vaksinimit në Europë falë Kinës

Presidenti i Serbisë Aleksander Vuçiç ka krahasuar shpërndarjen e vaksinës COVID-19 në Europë me fundosjen e Titanikut – duke thënë se të pasurit po shpëtohen ndërsa të varfrit e Ballkanit po lihen të mbyten.

Serbia i është drejtuar Kinës për vaksinat e saj – duke thënë se ka pak shpresa për të marrë furnizime nga BE. Falë Kinës dhe shpërndarjes së një milion dozave të vaksinës së saj Sinopharm, programi i vaksinimit i Serbisë po vazhdon me shpejtësi.

Beogradi po importon vaksinën Sinopharm e cila është aprovuar edhe në Emiratet e Bashkuara Arabe. Testimi i fazës së tretë vlerëson efikasitetin e saj midis 79-86% sipas rezultateve të ndërmjetme.

Blerja i ka dhënë popullatës serbe shpërndarjen e dytë më të shpejtë në Europë me 4.6 doza për njëqind njerëz – menjëherë pas Mbretërisë së Bashkuar, por përpara kombeve më të mëdha të BE-së.

Aleanca e Serbisë me Kinën është e rrënjosur thellë – Pekini ka investuar masivisht në një vend që shpreson të bëhet qendra e rrugës tregtare të Belt and Road.

Kritikëve të strategjisë së tij të vaksinimit, Vuçiç përgjigjet se ai po garon në një luftë globale për furnizime në të cilën kombet e varfra po lihen pas.

“Bota ka goditur një ajsberg, si Titaniku, të pasurit dhe më të pasurit vetëm ruajnë veten dhe të dashurit e tyre,” ka thënë ai.

“Ata kanë përgatitur varka shpëtimi të shtrenjta për ta dhe ata prej nesh që nuk janë të pasur, të cilët janë të vegjël, si vendet e Ballkanit Perëndimor, ne po mbytemi së bashku me Titanikun. Mund të mos jetë qëllimi i tyre, por nuk është veçanërisht e rëndësishme për ta “.

Serbia tani ka marrë një shpërndarje prej 10,000 dozash Pfizer, por Vuçiç tha se ai vetë do të merrte vaksinën kineze. (EN)

E . S / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.