Serbia nis hetimin për kritikët e qeverisë – Politikanë, gazetarë dhe grupe të të drejtave të njeriut të përfshirë

Ministria e financave të Serbisë ka filluar një hetim për pastrim të mundshëm të parave dhe financimin e terrorizmit kundër dhjetëra grupeve të të drejtave, gazetarëve të pavarur dhe politikanëve të opozitës që kanë kritikuar korrupsionin e pretenduar të qeverisë dhe politikat antidemokratike.

Hetimi kërkon të hyjë në të dhënat e bankave private nga disa grupe dhe individë. Ministria mohon që bëhet fjalë për një sulm të synuar ndaj kritikëve, duke thënë se këto janë procedura të rregullta.

“Këto janë veprimtari të rregullta që synojnë vlerësimin e rrezikut të financimit të terrorizmit,” tha Zeljko Radovanoviç, ushtrues i detyrës së drejtorit të autoriteteve shtetërore kundër pastrimit të parave.

Grupet qytetare kanë kërkuar që qeveria serbe të pushojë menjëherë ato që thonë se është abuzim i mekanizmit kundër pastrimit të parave dhe financimit të terrorizmit për të frikësuar organizatat që veprojnë si kontrolle dhe ekuilibra për ekzekutivin.

Ata kanë akuzuar qeverinë populiste se po përpiqen të heshtin kritikët në mes të pakënaqësisë së madhe për qeverisjen gjithnjë e më autokratike të Presidentit Aleksandar Vucic dhe qeverinë e tij për trajtimin e krizës COVID-19 në shtetin Ballkanas.

Slobodan Georgiev, drejtuesi i TV Newsmax Adria Serbia, i cili është nën hetim tha se masa është “një mënyrë për të kriminalizuar njerëzit. Tani ne jemi vendosur të gjithë në të njëjtën shportë si kriminelët,” tha ai.

Ministria e financave ka mohuar pretendimet. Radovanoviç, zyrtari i ministrisë së financave, i tha agjencisë shtetërore të lajmeve Tanjug se organi gjithashtu ka hetuar katër ministra të qeverisë në detyrë, duke shtuar se grupet joqeveritare nuk duhet të trajtohen si “lopë të shenjta”.

Në raportin e saj të fundit, Mbikëqyrësi i të Drejtave, Freedom House e renditi Serbinë si një “regjim hibrid” sesa një demokraci për shkak të rënies së standardeve në qeverisje, drejtësi, zgjedhje dhe liri të mediave.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.