Seriali i “Netflix” bëhet realitet! Gara presidenciale e pazakontë- Komediani që luante presidentin garon realisht për këtë post… e mund të fitojë
Ukraina po bëhet gati për të zhvilluar zgjedhjet presidenciale. Por ajo që ka ndodhur për herë të parë në histori është se janë regjistruar 44 kandidatë.
Por kjo nuk është e vetmja gjë që ndodh për herë të parë. Diçka e pazakonte ka ndodhur edhe me listën e kandidatëve. Një komedian i famshëm është pjesë e garës për president, e madje duke realizuar ekzaktësisht rolin që luante më komedi.
Referuar mediave ukrainase, komediani i njohur Volodymyr Zelenskiy është bërë pjesë e garës dhje
Volodymyr Zelensky u bë i famshëm me serialin komik “Servant of the People (Shërbëtori i popullit)” i transmetuar në “NETFLIX” ku luan rolin e një mësuesi që rastësisht bëhet i famshëm pasi regjistrohet fshehurazi nganxënësit e tij ndërsa mban një fjalim ku kritikon klasën politike. Videoja postohet në rrjetet sociale dhe bëhet shumë virale, duke fituar simpati të madhe te qytetarët. Ndërsa zhvillohet gara presidenciale, nxënësit e tij e nxisin që të garojë dhe në fakt ai fiton dhe bëhet president i Ukrainës ku i duhet të përballet me politikën reale.
Komedia në fakt ka marrë vlerësime pozitive, duke i dhënë popullaritet të madh aktorit, aq sa tashmë duket se po bëhet realitet pasi popullariteti i fituar nga komedia, mund të konvertohet në një mbështetje reale me votë nga popullata.
Referuar sondazheve, komediani i famshëm deri tani rezulton se ka 19 % të mbështetjes popullore, çka mund të thuhet se është një shifër e mirë, nëse analizohet fakti se në garë janë 44 kandidatë.
Zgjedhjet presidenciale do të zhvillohen muajin e ardhshme.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.