Sërish 4 raste të konfirmuara me Covid – Shërohen 28 pacientë gjatë 24 orëve të fundit
Në komunikimin e përditshëm të Ministrisë së Shëndetësisë, është bërë me dije se gjatë 24 orëve të fundit kanë rezultuar pozitiv 4 raste të reja, duke e çuar në 876 numrin total të të infektuarve në të gjithë vendin.
Numri i rasteve të reja janë përkatësisht: 2 raste në Krujë, 1 në Tiranë dhe 1 rast në Berat.
Nga numri total i të prekurve janë shëruar 682 pacientë, 28 prej tyra gjatë 24 orëve të fundit dhe janë akoma 163 raste aktive.
Aktualisht në dy spitalet Covid janë të shtruar 24 pacientë ku vetëm njëri prej tyre është në terapi intensive. ndërsa rastet e tjera po monitorohen nga mjeku i familjes.
Ministria e Shëndetësisë dhe Mbrojtjes Sociale apelon për qytetarët që të vazhdojnë të respektojnë distancimin fizik dhe të mbajnë higjienën personale, po ashtu bizneset e hapura të respektojnë me rigorozitet protokollet e sigurisë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.