Sërish rekord kontrollesh nga AKU – Rreth 1 mije inspektime dhe 12 masa administrative në të gjithë vendin
Trupat inspektuese të Autoritetit Kombëtar të Ushqimit kanë kryer gjatë 24 orëve të fundit 992 inspektime dhe monitorime edhe si pjesë e Task-Forcës Anti Covid.
Sipas njoftimit gjatë kontrolleve zyrtare për garantimin e sigurisë ushqimore në operatorë të biznesit janë dhënë 12 masa me paralajmërim përgjithësisht për rinovim të librezave shëndetësore, rinovim të analizave të ujit dhe planit DDD si dhe u ushtrua kontroll zyrtar edhe në vijim të njoftimit nga sistemi evropian RASFF (Sistem i Informimit të Shpejtë për Ushqim dhe Ushqim për Kafshë).
Sipas AKU referuar Planit të Marrjes së Mostrave janë marrë 80 mostra në monitorim të produktit qumësht ndërsa po vijohet me monitorimet në të gjitha kategoritë e bizneseve për zbatim të protokolleve të sigurisë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.