Sërish tensione Greqi – Turqi. Erdogan “kërcënon”, BE dhe Mitsotakis paralajmërojnë sanksione të forta

Njoftimi i Navtex Turkey për rinisjen e misionit anijes Turke Oruç Reis ka ngjallur reagime të shumta në Greqi dhe në Bashkimin Europian. Kryeministri grek, Kyriakos Mitsotakis pati sot një bisedë telefonike me Presidentin e Këshillit Evropian, Charles Michel. Mitsotakis i vuri në dukje Michel se ai do të paraqesë në takimin e Këshillit Evropian të 15-16 tetorit këtë veprim të ri të njëanshëm, i cili është një përshkallëzim serioz nga ana e Turqisë.

Veprimi i Turqisë ngjalli reagimin e BE, Përfaqësuesi i Lartë i BE për politikën e jashtme Joseph Borrel u shpreh se në ditët në vijim BE do të bëjë publik masat e reja që do të ndërmerren kundër Turqisë, pasi veprimet e saj të njëanshme cenojnë paqen dhe stabilitetin në zonë.

Nga krahu tjetër Presidenti i Turk, Rexhep Taip Erdogan gjatë konferencës së mbajtur ditën e sotme ka paralajmëruar dhe kërcënuar Greqinë se do i japë përgjigjen që meriton sa i përket situatës në Mesdheun Lindor.

”Ne do të dijmë t’i japim përgjigjen që meriton Greqia dhe Qiproja greke. I kemi treguar të gjithëve që s’do të ketë plan që nuk respekton të drejtat e vendit tonë dhe Qipros turke në Mesdheun Lindor.” –  u shpreh presidenti turk.

G.K / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.