Sezon i dobët i të korrave në Ukrainë / Eksportet e grurit në rënie me 24% deri më tani. Pritet të dështojnë kuotat

Eksportet e drithërave nga Ukraina kanë rënë me rreth 24% në 35.7 milionë ton deri më tani për sezonin, që pritet të përfundojë më Qershor 2021, sipas të dhënave të ministrisë së ekonomisë. Tregtarët kanë shitur 14.4 milionë ton grur, 16.6 milionë ton misër dhe 3.1 milionë ton elb, sipas të dhënave. Tregtarët kanë përdorur 82.4% të totalit të kuotave të eksportit të grurit prej 17.5 milionë ton, të vendosur për të gjithë sezonin 2020/21.  Megjithatë, Ministria deklaroi këtë Javë se eksportet e grurit nuk ka gjasa të arrijnë 17.5 milionë ton këtë sezon. Ukraina është ndër eksportuesit më të mëdhenj në botë të drithërave, ndërkohë që ka shitur  rreth 57 milionë ton tek blerësit e huaj në sezonin 2019/20.   Eksportet mund të bien në 45.7 milionë ton në sezonin aktual, për shkak të të korrave më të vogla, sipas Qeverisë.

Klevis Llaha – SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.