Sezoni i alergjive, Hoxha: Te privatët kostot e vaksinës variojnë nga 200-300 euro

Në 10 vitet e fundit numri i personave që vuajnë nga alergjitë është rritur me 50% në vendin tonë. Specialistët e ndajnë me tre faza ose etapa zhvillimin e alergjive dhe aktualisht jemi në kulmin e saj.

Kryerja e vaksinave për alergjitë ka një cikël të caktuar e në të njëjtën kohë edhe një kosto. Në spitalet shtetërore ofrohet një numër i kufizuar i kësaj vaksine, kështu që pacientët janë të detyruar që ta bëjnë atë në spitalet private, me një kosto që varion nga 200-300 euro.

Trajtimi i alergjive është i ndarë në katër “shtylla” sipas Hoxhës. Dhe kuptohet që secila prej tyre ka një kosto të konsiderueshme.

Në institucionet shëndetësore shtetërore ofrohen një sërë analizash për të përcaktuar alergjinë, por ka raste që këto analiza nuk kryhen për shkak të mungesave të ndryshme.

Kjo bënë që pacientët të drejtohen në klinikat private, duke paguar kosto që variojnë nga 5 mijë në 7 mijë lekë.

Entela Barjamaj/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.