Sezoni turistik/ Çuçi në Sarandë: AKU në terren për ushqime të sigurta, toleranca zero për lokalet

Ministri i Bujqësisë dhe Zhvillimit Rural, Bledi Çuçi, zhvilloi një takim me Task Force në Sarandë për mbarëvajtjen e sezonin turistik në këtë bashki.

Ai u kërkoi pjesëmarrësve një koordinim më të mirë të punës mes të gjitha institucioneve, duke vënë theksin në mënyrë të veçantë tek niveli ndotjes akustike dhe siguria ushqimore. Të pranishëm në takim ishin prefekti i qarkut Vlorë, Flamur Mamaj, krye bashkiaku i zgjedhur i Sarandës Ardian Gurma si dhe drejtues të tjerë të institucioneve vendore.

“Nuk lejohen më zhurmat pas orës 12:00 të natës,” u shpreh ai. Sa i përket sigurisë ushqimore, Çuçi u kërkoi inspektorëve përkatës të AKU-së që t’i përmbahen planeve të tyre të inspektimit, duke vepruar me etikë ndaj qytetarëve, sipas njoftimit të Ministrisë së Bujqësisë.

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.