Sezoni turistik – Xhafaj në Muriqan: Eliminoni radhët e gjata dhe rrisni forcën goditëse kundër kontrabandës
Një shërbim cilësor për eliminimin e radhëve të gjata, por edhe në goditjen kundër kontrabandës, falsifikimit të dokumentave apo kalimit të paligjshëm të emigrantëve ishte kërkesa e ministrit të Brendshëm, Fatmir Xhafaj ndaj Policisë së Kufirit.
Ministri inspektoi sot Pikën e Kalimit të Kontrollit Kufitar në Muriqan për të ndjekur nga afër zbatimin e masave lehtësuese në kuadër të sezonit turistik.
I shoqëruar edhe nga Drejtori i Përgjithshëm i Policisë së Shtetit, Ardi Veliu dhe zv/drejtoresha e Përgjithshme, Aida Hajnaj, Xhafaj u prit nga stafi i të dy pikave kufitare, shqiptare dhe ajo e Malit të Zi.
Ndërkohë, drejtori i ri i kufirit, Krenar Muça vuri theksi te kontrollet e përbashkëta me palën malazeze në pikat e kalimit dhe në kufirin jeshil, që sipas tij kryhen me qëllim parandalimin dhe goditjen e trafiqeve të paligjshme.
Ndërsa, Veliu tha se Policia e Shtetit do të mbështetë Drejtorinë Rajonale të Kufirit dhe Migracionit, Shkodër me forca shtesë të FNSH-së.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.