Shahini: ”Do të zbatohet praktika e mësimit online edhe për universitetet”

Ministrja e Arsimit, Besa Shahini ka njoftuar se praktika e mësimit online, e cila po zhvillohet për shkollat 9 vjeçare dhe të mesme, do të zbatohet në të njëjtën mënyre edhe për universitetet.

“Universiteti ‘Aleksandër Moisiu’, Durrës ka filluar mësimin online duke përdorur platformat falas si Google Classrom, Zoom apo Eztalks”, njofton në rrjetin e saj social Facebook, Ministrja Shahini.

30 module janë tashmë online dhe 2,000 studentët e parë kanë filluar mësimin”, nënvizon Shahini ndërsa përgëzoi universitetin për nismën e ndërmarrë.Të tre këto platforma janë të aksesueshme lehtësisht nga kompjuteri, por edhe nga pajisjet smartphone Android dhe Apple.

E.Z/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.