Shahini sqaron: Kush përfiton bursë, përllogaritjet për ekselentët
Për të përfituar bursa, ekselentëve do ti llogariten notat e vitit paraprak. Ministrja e Arsimit, Sporteve dhe Rinisë Besa Shahini në një dalje për mediat ka sqaruar se si përfitohen bursat për ekselentët dhe për studentët që i përkasin kategorive në nevojë. Shahini tha se universitetet kanë bërë shtyrje të afateve për plotësimin e dokumenteve të nevojshme. Ndërsa për studentët që kanë paguar tashmë tarifën, shumë shpejt do të rimbursohen.
“Qeveria ka ndarë buxhetin dhe e kam venën në dispozicioni të institucioneve arsimore. Përgjysmimi i tarifës ka hyrë në fuqi menjëherë. Kemi marrë informacion nga universitetet, studentët ata që kanë paguar tarifën do të marrin rimbursimin brenda disa ditëve apo javëve.
Gjithashtu kemi marrë informacion nga universitetet se do të shtyjnë afatin e 31 janarit për plotësimin e dokumentacionit të nevojshëm për të përfituar bursë.
Ka paqartësi për studentët e ekselencës apo studentët e kategorive në nevojë.
Për ekselentët merren parasysh nota mesatare e vitit paraprak. Për studentët e vitit të parë merret parasysh mesatarja e gjimnazit dhe provimet e maturës. Për kategoritë e veçanta me nevoja ekonomike dhe nevoja të veçanta. Bursa është ndare deri në vit ë parë mes bashkisë dhe institucionit. Këtë vit bursat i jep qeveria. Studenti duhet të marri një vërtetim në bashki që i përket kësaj kategorie”.
Ministrja i bëri thirrje universiteteve në nisin sa më parë mësimin, si dhe të bëjnë listprezencën e studentëve që janë këtë sezon në mësim.
“Në universitet që nuk ka punuar sekretaritë, ti vihen sa më shpejt në punë. Në të gjitha institucionet ku nuk është bërë mësim të plotë të bëhet listëprezencë se kush student është ketë sezon në mësim dhe kush jo, si dhe të plotësohen orët e munguara. Shkruani te portali shqipëriaqëduam.al për çdo paqartësi”.
E.Z/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.