SHBA autorizon pilulën e Merck – FDA: Mund të përdoret në shtëpi kur nuk disponohet pilula e Pfizer

Shtetet e Bashkuara autorizuan pilulën antivirale të Merck kundër Covid-19 për disa pacient të caktuar me rrezik të lartë, një ditë pasi i dhanë dritën e gjelbër pilulës më efektive të Pfizer.  Administrata e Barnave dhe Ushqimeve theksoi se ilaçi i Merck mund të përdoret kur trajtime të tjera të autorizuara nuk janë të aksesueshme, apo të përshtatshme klinikisht. Ilaçi, molnupiravir, është zhvilluar me Ridgeback Biotherapeutics dhe tregon se redukton shtrimin në spital dhe vdekjet me rreth 30% në provat klinike tek individëve me rrezik të lartë, nëse merren në fillim të shfaqjes së sëmundjes.

Autorizimi bën të mundur përdorimin e pilulës për rastet e lehta dhe mesatare të Covid-19, dhe së bashku me pilulën e Pfizer, mund të jenë një mjet i rëndësishëm në parandalimin e variantit Omicron, që është bërë tashmë mbizotërues në SHBA. Pilula e Pfizer, Paxlovid, u autorizua ditën e Mërkurë për njerëzit në moshë 12 vjeç e sipër dhe tregon se është thuajse 90% efektive në parandalimin e shtrimit në spital dhe vdekjen, tek pacientët me rrezik të lartë nga sëmundja.  Agjencia theksoi se disa pacientë duhet ta shmangin regjimin me 2 ilaçi të Pfizer, pasi përfshin një antiviral të vjetër ritonavir, që njihet se ndërvepron me disa ilaçe të tjera me recetë.

Pilula e Pfizer nuk rekomandohet gjithashtu për njerëzit me probleme në Veshka.   Zyrtarët e Agjencisë në SHBA thonë se disponueshmëria e tratjimeve të tjera është arsyeja e parë që doktorrët do mendojnë për përshkrimin e trajtimit të Merck.  FDA ka autorizuar dhe trajtime përmes gjakut, kryesisht për në spital, të quajtur antitrupa monoklonalë, por disponueshmëria e tyre është e limituar.  Merck deklaroi se trajtimi ka avantazhe ndaj pilulës së Pfizer.

“Nuk kërkon një ilaç të dytë për të nxitur efektshmërinë dhe mund të merret tek një pjesë e madhe e popullsisë, përfshirë tek ata që kanë probleme me veshkat apo mëlçinë”- tha Nick Kartsonis, zv/president i Merck për hulumtimet. Të dy antiviralët e Merck dhe Pfizer, funksionojnë duke parandaluar virusin që të replikohet. Pilula e Merck e bën këtë duke paraqitur disa gabime në kodin genetik të virusit dhe ekspertët e FDA mendojnë se kjo mund të nxisë krijimin e varianteve të reja.

Klevis Llaha / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.