SHBA blen ilaçin e GSK-Vir – Nënshkruan kontratë prej 1 miliard dollarë për trajtimin me antitrupa të Covid-19
Shtetet e Bashkuara kanë nënshkruar një kontratë me vlerë mbi 1 miliardë dollarë për të siguruar trajtime me antitrupa të Covid-19 të zhvilluar nga GSK në Britani dhe firma amerikane Vir Biotechnology, sipas kompanive. GlaxoSmithKline theksoi se marrëveshja e çon totalin e dozave të siguruara për trajtimin strovimab, në mbi 750,000 në të gjithë botën, duke shtuar se furnizimi pritet në 17 Dhjetor. Shtetet e Bashkuara kanë opsionin për të blerë doza shtesë deri në Mars 2022. Kompanitë nuk detajuan se për sa doza kanë nënshkruar kontratën Shtetet e Bashkuara.
Megjithatë, detaje të tjera përfshijnë 10,000 doza për Kanadanë dhe deri në 220,000 doza për Bashkimin Europian. Sotrovimab është autorizuar për përdorim emergjent në Shtetet e Bashkuara, që të parandalojë sëmundjen e lehtë deh të moderuar të Covid-19 për t’u përkqeësuar. Agjencia Europiane e Barnave i ka dhënë gritën e gjelbër për përdorim nga vendet anëtare, pavarësisht se miratimi i gjerë në BE është ende pezull. Trajtimi ka treguar se ul rrezikun e shtrimit në spital apo vdekjeve me 79% tek të rriturit me sëmundje të lehtë dhe të moderuar të Covid-19.
Ndërkohë që vaksinat janë ende arma kryesore në luftën kundër pandemisë, trajtimet, përfshirë pilulat antivurale, ofrojnë opsione për të përmbajtur infeksionin. “Duke marrë parasysh provat, që vërtetojnë aftësinë për të ruajtur aktivitet kundër varianteve shqetësuese në qarkullim, përfshirë atë Delta, ne kemi besim se sotrovima do vazhdojë të jetë i rëndësishëm”- tha ekzekutivi i Vir, Gergoe Scangos.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.