SHBA do të dhurojë vaksina / Biden: 20 milionë doza të Pfizer dhe Moderna deri në Qershor

Presidenti Joe Biden do të dërgojë të paktën 20 milionë doza të vaksinës së Covid-19 jashtë vendit deri në fund të Qershorit, duke shënuar herën e parë që Shtetet e Bashkuara ndajnë vaksinat e autorizuara për përdorim të brendshëm.  Administrata po përpiqet të përdorë furnizimet e vaksinës si një mjet diplomatik, ndërkohë që pandemia brenda vendit po zbutet. Biden lajmëroi në nisje të Javës se administrata do të dëgojë doza të Pfizer/BioNTerch,  Moderna  dhe Johnson & Johnson,  përveç 60 milionë dozave të AstraZeneca që kishte planifikuar për të dhuruar. Nga këto, vetëm AstraZeneca nuk është autorizuar për përdorim në Shtetet e Bashkuara. “Ashtu si në Luftën e Dytë Botërore kur Amerika ishte arsenali i demokracisë, në luftën kundër Covid-19, vendi jonë do të jetë arsenali i vaksinave”- tha Biden.  Presidenti ka qenë nën presion për të dhuruar vaksina për të ndihmuar përkeqësimin e infeksionit nga India e deri tek Brazili, ku ekspertët shqetësohen se një varianti i ri më i transmetueshëm po cenon efektshmërinë e injeksionit. Biden theksoi se asnjë vend nuk do dhurojë më shumë vaksina se SHBA. Deri më tani, SHBA kanë dërguar pak milionë doza të AstraZeneca drejt Kanadasë dhe Meksikës.  Shtëpia e Bardhë nuk ka ofruar ndonjë detaj mbi vendet që do marrin furnizimet.  Ndërkohë që më shumë amerikanë janë vaksinuar, vdekjet nga Covid-19 ranë javën e fundit në nivelin më të ulët në 14 muaj, ndërkohë që numri i rasteve të reja ka rënë për javën e 5 radhazi.

Klevis Llaha – SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.