SHBA do të ndalojë laptopët në të gjitha kabinat e fluturimeve nga Europa
“Departamenti i Sigurisë Kombëtare në SHBA po planifikon të ndalojë laptopët në kabinat e të gjitha fluturimeve nga Europa në Shtetet e Bashkuara”, thanë zyrtarët evropianë të sigurisë për The Daily Beast. Ky vendim është marrë nga frika se terroristët mund të ndërtojnë bomba në laptopë, për të rrëzuar aeroplanët apo i shpërthyer në fluturim.
Fillimisht ndalimi për laptopë dhe tableta u aplikua vetëm për fluturimet e SHBA-së nga 10 aeroporte në Afrikën e Veriut dhe Lindjen e Mesme.
“Nuk janë marrë vendime përfundimtare për zgjerimin e kufizimit të pajisjeve të mëdha elektronike në kabinat e avionëve. Megjithatë, ky vendim është ende në shqyrtim. Departamenti i Sigurisë Kombëtare vazhdon të vlerësojë mjedisin e kërcënimit dhe do të bëjë ndryshime kur është e nevojshme për të mbajtur udhëtarët e ajrit të sigurt “, tha një deklaratë Departamenti i Sigurisë Kombëtare.
Vetëm në vitin 2016 Administrata Federale e Aviacionit ka regjistruar 33 incidente të pajisjeve elektronike të transportuara në kabina nga pasagjerët që shkaktuan emergjenca të zjarrit gjatë fluturimeve. Prej tyre, tre ishin në laptopë dhe dy në tableta.
E.Z/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.