SHBA heq vizat për Kroacinë – Çdo qytetar mund të udhëtoj për biznes dhe turizëm vetëm me një aplikim online
Ambasada Amerikane në Zagreb, Kroaci ka bërë me dije se duke nisur nga 23 tetori 2021, qytetarët kroatë mund të udhëtojnë në Shtetet e Bashkuara pa viza, pasi të kenë marrë miratimin nga Sistemi Elektronik për Autorizimin e Udhëtimit (ESTA) në internet.
‘Që nga 28 shtatori 2021, Kroacia ka përfunduar të gjitha marrëveshjet e nevojshme dypalëshe të sigurisë dhe ka përmbushur normën e kërkuar të heqjes së vizave B1/B2, dhe është kualifikuar për t’u caktuar për hyrje në programin amerikan të heqjes së vizave, që do të thotë se qytetarët kroatë mund të udhëtojnë në Shtetet e Bashkuara për biznes dhe turizëm në shumicën e rasteve pa vizë.
Udhëtarët inkurajohen të aplikojnë për ESTA të paktën 72 orë përpara udhëtimit të planifikuar.
Udhëtarët pa viza duhet të kenë pasaporta me çipa kompjuteri të integruar dhe duhet të marrin një ESTA, e cila aktualisht kushton 14 dollarë dhe është e vlefshme deri në dy vjet për udhëtime të shumta në Shtetet e Bashkuara. Udhëtarët gjithashtu inkurajohen të aplikojnë për ESTA të paktën 72 orë përpara udhëtimit të planifikuar.
Shtetasit kroatë që dëshirojnë të udhëtojnë në Shtetet e Bashkuara për më shumë se 90 ditë, ose që dëshirojnë të angazhohen në aktivitete që kërkojnë kategori të tjera vizash (p.sh., për të punuar ose për të studiuar në Shtetet e Bashkuara) duhet të aplikojnë për kategorinë e duhur të vizës, njofton Ambasada. Qytetarët kroatë të cilëve u është refuzuar ESTA duhet gjithashtu të aplikojnë për vizë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.