SHBA – Kinë / Administrata e Biden do takojë ‘rivalët homolog’ në tokë amerikane javën e ardhshme
Për herë të parë që kur Presidenti Joe Biden mori detyrën, zyrtarë të lartë të SHBA do të zhvillojnë bisedime të nivelit të lartë, personalisht, me përfaqësuesit kinezë javën e ardhshme në Alaska.
Sekretari i Shtetit Antony Blinken dhe këshilltari i Sigurisë Kombëtare Jake Sullivan do të takohen në Anchorage, Alaska, në 18 Mars me Yang Jiechi të Republikës Popullore të Kinës, një anëtar i organit më të lartë të vendimmarrjes së Partisë Komuniste dhe Wang Yi, ministri i jashtëm.
Sekretarja e shtypit të Shtëpisë së Bardhë Jen Psaki tha të mërkurën se ishte e rëndësishme që administrata të kishte takimin e parë në tokën e SHBA. Ajo shtoi se Blinken dhe Sullivan po hyjnë në bisedime me sy të qartë dhe janë të përgatitur për të diskutuar një sërë çështjesh me kinezët.
“Takimi do të zhvillohet pas takimeve të Sekretarit Blinken me dy nga aleatët tanë më të afërt rajonalë në Tokio dhe Seul,” shkroi Departamenti i Shtetit në një deklaratë të Mërkurën. Blinken është planifikuar të bëjë udhëtimin e tij të parë jashtë vendit si sekretar i Shtetit javën e ardhshme.
Tensioni midis Pekinit dhe Uashingtonit u rrit nën administrimin e Trump, i cili përshkallëzoi një luftë tregtare dhe punoi për të ndaluar kompanitë e teknologjisë kineze të bëjnë biznes në Shtetet e Bashkuara.
Gjatë katër viteve të fundit, administrata Trump fajësoi Kinën për një gamë të gjerë problemesh, duke përfshirë vjedhjen e pronës intelektuale, praktikat e padrejta tregtare dhe kohët e fundit, pandeminë e koronavirusit.
Biden, i cili foli me Presidentin kinez Xi Jinping muajin e kaluar, ka thënë më parë se qasja e tij ndaj Kinës do të ishte e ndryshme nga ajo e paraardhësit të tij në atë që ai do të punonte më ngushtë me aleatët në mënyrë që të krijonte një përgjigje kundër Pekinit.
D.B – SCAN
Burimi: CNBC
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.