SHBA, ndihma për katastrofat – Senati miraton $19.1 mld për pasojat e uraganëve, zjarreve dhe përmbytjeve
Senati i SHBA miratoi ndihma prej 19.1 miliardë dollarë për të ndihmuar amerikanët me katastrofat natyrore, megjithatë, pa fondet shtesë që të trajtojë rritjen e emigrantëve në kufij, që ka kërkuar presidenti Donald Trump. Senati, që ka një mazhorancë të republikanëve, miratoi masën me 85 pro dhe 8 kundër. Demokratët, që kanë mazhorancën në Shtëpinë e Përfaqësuesve, thanë se vota mund të kalohet së shpejti.
Masa synon që të ndihmojë viktimat e katastrofave në të gjithë vendin në 2 vitet e fundit, nga uraganet në Juglindje e deri te përmbytjet dhe zjarret në Kaliforni. Fondet do ndihmojnë gjithashtu fermerët dhe do riparojnë autostradat dhe infrastrukturën.
Këto përfshihet edhe qindra milionë dollarë në ndihma për territorin amerikan të Puerto Rico, që u shkatërrua nga uragani në vitin 2017. Paketa nuk përfshin fonde emergjencë për të trajtuar rritjen e emigrantëve në kufirin jugor që Trump i kërkoi më herët gjatë muajit.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.