SHBA paralajmërojnë për keqinformimin / Shtëpia e Bardhë kritikon Facebook
Kirurgu i Përgjithshëm në SHBA, Vivek Murthy, ngriti alarmin mbi rritjen e valës së keqinformimit mbi Covid-19 dhe vaksinat, që kërcënon përpjekjen për të ndaluar pandeminë dhe shpëtuar jetë. Në këshillën e tij të parë si doktori kryesor i vendit nën administratën e Joe Biden, Murthy i bëri thirrje kompanive të teknologjisë që të ndreqin algoritmet për të pakësuar informacionin e rremë dhe të ndajnë më shumë të dhëna me hulumtuesit dhe qeverinë, për të ndihmuar mësuesit, punonjësit e shëndetësisë dhe mediat, që të luftojnë keqinformimin.
Murthy tha se keqinformimi mbi Covid-19 vjen kryesisht nga individë që mund të mos e dijnë që po përhapin lajme false, por edhe nga disa “aktorë të këqinj”. “Një nga gjërat që kemi thënë është se kur bëhet fjalë për keqinformim, mos shpërndarja është gjë pozitive” – tha ai. Sekretarja për shtyp e Shtëpisë së Bardhë, Jen Psaki, tha se Facebook nuk po bën mjaftueshëm për të ndaluar përhapjen e lajmeve false mbi Covid-19 dhe vaksinave. Facebook, që zotëron Whasapp dhe Instagram, duhet të punojë më shumë për të hequr informacionin jo të saktë mbi vaksinat, sipas saj. Ajo tha se 12 influence kundër vaksinës janë të përgjegjshëm për rreth 65% të keqinformimit në platforma të mediave sociale. Zbulimi u raportua në Maj nga Qendra për Ndalimin e Urrejtjes Dixhitale, por Facebook e ka kundërshtuar metodologjinë.
Klevis Llaha – SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.