SHBA përshpejton dozat nxitëse – Bën 16 dhe 17 vjeçarët të përshtatshëm prej shqetësimeve nga Omicron
Rregullatorët amerikanë kanë zgjeruar përshtatshmërinë për dozat nxitëse të Covid-19 duke përfshirë 16 dhe 17 vjeçarët, ndërkohë që autoritetet e shëndetit publik i kanë bërë thirrje amerikanëve që të marrin një dozë të tretë prej shqetësimeve të variantit të ri Omicron. Administrata e Barnave dhe Ushqimeve në SHBA theksoi se ka amenduar autorizimin për përdorim emergjent të vaksinës së Pfizer dhe BioNTech, duke lejuar të rinjtë në moshë 16-17 vjeç që të marrin një dozë të tretë të paktën 6 muaj pas vaksinimit me të dytën.
Qendra për Kontrollin dhe Parandalimin e Sëmundjeve ka nënshkruar gjithashtu dozën nxitëse. “Edhe pse nuk kemi të gjithë përgjigjet ndaj Omicron, të dhënat fillestare sugjerojnë se dozat përforcuese ndihmojnë në zgjerimin e mbrojtjtes kundër Omicron dhe varianteve të tjera”- tha shefja e agjencisë Rochelle Walensky. Ajo inkurajoi bindshëm të gjithë 16 dhe 17 vjeçarët që të marrin vaksinën. Rreth 4.7 milionë amerikanë të rinj në atë grup moshe janë vaksinuar plotësisht dhe mbi 2.5 milionë prej tyre kanë kaluar 6 muaj nga doza e dytë. Vetëm vaksina e Pfizer/BioNTech është autorizuar për përdorim tek ajo grupmoshë.
Disa shkencëtarë kanë ngritur shqetësime mbi dozat shtesë, për shkak të rreziqeve që shkaktojnë si inflamacioni i muskujve të zemrës tek meshkujt e rinj. Të gjithë të rriturit në SHBA janë të përshtatshëm për doza nxitëse të të 3 vaksinave të autorizuara atje. Autorizimi i Administratës së barnave dhe Ushqimeve vjen 1 ditë pasi Pfizer dhe BioNTech publikuan të dhëna që sugjerojnë se dozat nxitëse mund të jenë çelësi i mbrojtjtes kundër infeksionit nga varianti i ri Omicron. CDC ka identifikuar më pak se 100 raste me Oimcron në SHBA, por ato pritet të rriten në javët dhe muajt e ardhshëm.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.