SHBA/ Protesta dhe arrestime – Biden i afrohet fitores ndërsa Trump ngre padi ligjore

Demokrati Joe Biden iu afrua fitores në garën presidenciale të SHBA të Enjten ndërsa zyrtarët e zgjedhjeve grumbulluan votat në disa shtete që do të përcaktojnë rezultatin final ndërkohë që protestues të shumtë dolën në rrugë.

Presidenti i tanishëm Donald Trump pretendoi mashtrime në disa qendra votimi dhe ngriti procese gjyqësore duke bërë thirrje për rinumërime në një garë që vazhdon akoma, dy ditë pas mbylljes së votimeve.

Me rritjen e tensioneve, rreth 200 mbështetës të Trump, disa të armatosur me pushkë dhe pistoleta, u mblodhën përpara një zyre elektorale në Phoenix, Arizona, pas thashethemeve të pabazuara se votat nuk po numëroheshin.

Protestuesit anti-Trump në qytete të tjera kërkuan që numërimi i votave të vazhdojë. Policia arrestoi protestuesit anti-Trump në New York City dhe Portland, Oregon. Mbi 100 ngjarje janë planifikuar në të gjithë vendin midis të Mërkurës dhe të Shtunës.

Gara presidenciale po përfundon pasi të jetë mbyllur gara edhe në pesë shtete.

Edison Research i dha Biden një epërsi 243 me 213 ndaj Trump në votat e Kolegjit Zgjedhor, të cilat bazohen kryesisht në popullsinë e një shteti. Rrjete të tjera thanë se Biden kishte fituar Wisconsin, gjë që do t’i jepte atij edhe 10 vota. Numri magjik për kandidatin fitues është 270 vota.

Biden parashikoi fitoren të Mërkurën dhe hapi një faqe në internet për të filluar tranzicionin në një Shtëpi të Bardhë të kontrolluar nga Demokratët.

Trump ka kohë që kërkon të minojë besueshmërinë e procesit të votimit nëse humbet. Që nga e Marta, ai ka deklaruar në mënyrë të rreme fitoren, akuzoi Demokratët për përpjekjen për të vjedhur zgjedhjet pa prova dhe u zotua të luftojë shtetet në gjykatë.

Ekspertët e zgjedhjeve amerikane thonë se mashtrimi është i rrallë.

Fushata e Trump luftoi për të mbajtur gjallë shanset e tij me një thirrje për një rinumërim të votave në Wisconsin si dhe ngriti padi në Michigan dhe Pennsylvania për të ndaluar numërimin e votave. Sekretari i Shtetit i Miçiganit Jocelyn Benson e quajti gjyqin e ekipit të tij “jo serioz”.

Fushata e tij ngriti një proces gjyqësor në Gjeorgji për të kërkuar që Qarku Chatham, i cili përfshin qytetin e Savannah, të veçojë dhe sigurojë fletëvotimet e mbërritura me vonesë për t’u siguruar që ato nuk llogariten.

Ai gjithashtu kërkoi nga Gjykata e Lartë e SHBA për të lejuar Trump që të bashkohet me një padi në pritje të depozituar nga Republikanët e Pensilvanisë lidhur me faktin nëse shteti duhet të lejohet të pranojë fletëvotimet që vijnë me vonesë. (Reuters)

E . S / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.