SHBA, sanksione të tjera ndaj Rusisë – Vendimi ndikon oligarkët e afërm me Putin prej ndërhyrjes në zgjedhje
Shtetet e Bashkuara planifikojnë të vendosin sanksione ndaj oligarkëve rusë këtë javë, nën ligjet që shënjestrojnë Moskën për ndërhyrjen në zgjedhjet në vitin 2016, që mund të jetë lëvizja më e ashpër deri më tani kundër elitës ruse. Ky veprim, që mund të ndikojë persona të afërt me Vladimir Putin, reflekton qëllimin e Washingtonit për t’i dhënë përgjegjësi Rusisë për ndërhyrjen në zgjedhje.
Trump është përballur me kritika të ashpra për mos reagimin e ashpër ndaj Rusisë mbi zgjedhjet presidenciale të vitit 2016. Sanksionet, që sipas burimeve do të lajmërohen këtë javë, ndjekin vendimin e 15 Marsit për të vendosur sanksione mbi 19 njerëz dhe 5 ente, përfshirë shërbimet e inteligjencës së Rusisë mbi sulmet kibernetike. Ndërkohë që kjo e fundit ishte vendimi më i prerë ndaj Moskës që kur Trump mori detyrën, vendimi i atëhershëm për të mos shënjestruar oligarkët dhe zyrtarët e qeverisë, mori kritika nga ligjvënësit e të dy partive në SHBA.
Vendimet e marra këtë javë do të përfshijnë sanksione kundër oligarkëve rusë, ku disa prej tyre kanë lidhje me Putin. Marrëdhëniet SHBA-Rusi janë përkeqësuar edhe prej dyshimeve se Rusia është e përgjegjshme për sulmin kundër spiunit rus në Mbretërinë e Bashkuar. Në datë 26 Mars, Shtetet e Bashkuara dhe shumë vende të Bashkimit Europian lajmëruan planet për të dëbuar më shumë se 100 diplomat rusë.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.