SHBA, sfidë me shifrat e vaksinimit – Biden, thirrje amerikanëve që të vaksinohen sa më shpejt
Presidenti Joe Biden u bëri thirrje amerikanëve të marrin vaksinat COVID-19 sa më shpejt, pasi vendi duket se do të humbasë qëllimet e Shtëpisë së Bardhë për vaksinimin muajin tjetër.
Vdekjet dhe shtrimet në spital po bien në mënyrë drastike në ato vende ku njerëzit po vaksinohen”, por jo në zona të tjera, tha Biden. Përkundrazi, po shtohen në disa vende ku vaksinimi po ecën me ritme tejet të ngadalta.
Me ritmin aktual , Shtetet e bashkuara nuk kanë gjasa të arrijnë qëllimin e Biden që 70 % e të rriturve të marrin të paktën një dozë të vaksinës Covid-19 deri në 4 korrik, festën e Ditës së Pavarësisë. Ky ritëm do të duhej të dyfishohej gjatë dy javëve të ardhshme që Shtetet e e Bashkuara të arrinin objektivin. .
Biden njoftoi se Shtetet e Bashkuara kanë administruar 300 milion vaksina COVID-19 në 150 ditë.
Ky lajm vjen disa ditë pasi u shënua një moment historik i zymtë, duke tejkaluar 600,000 vdekje nga COVID-19.
Numri i të vdekurve në SHBA mbetet më i larti në botë, megjithëse vendet e tjera, përfshirë Brazilin, Britaninë dhe Rusinë, kanë norma më të larta vdekjesh krahasuar me popullsinë e tyre.
Një deklaratë me fakte nga Shtëpia e Bardhë tha se numri i vdekjeve nga COVID-19 është ulur me 90% që kur Biden mori detyrën në janar, kur më shumë se 3,300 amerikanë vdisnin çdo ditë dhe theksoi fitime të mëdha në ekonomi ndërsa njerëzit kthehen në punë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.