SHBA, shpenzimet konsumatore në rënie – Indeksi i kostos së punësimit rritet 0.7% në tremujorin e katërt
Shpenzimet e konsumatorëve në SHBA ranë për muajin e dytë radhazi në dhjetor mes kufizimeve të biznesit për të parandaluar përhapjen e COVID-19 dhe përfundimit të përkohshëm të përfitimeve të financuara nga qeveria për miliona amerikanë të papunë.
Raporti nga Departamenti i Tregtisë gjithashtu tregoi rritje sërish të inflacionit krahasuar me muajin e kaluar. Pritjet që inflacioni të rritet këtë vit u mbështetën nga të dhëna të tjera që tregojnë një rritje solide të kostove të punës në tremujorin e katërt të vitit 2020.
Por një rritje mbi objektivin e Rezervës Federale prej 2%, një mesatare fleksibël, nuk ka gjasa të shqetësojë politikëbërësit. Banka qendrore e SHBA pritet të ruajë qëndrimin e saj ultra të lehtë të politikës monetare për një periudhë kohore, ndërsa ekonomia lufton pandeminë. Kapaciteti i tepërt mbetet në të gjithë ekonominë, gjë që mund të kufizojë aftësinë e kompanive për të rritur çmimet.
Shpenzimet e konsumatorit, që përbëjnë më shumë se dy të tretat e aktivitetit ekonomik të SHBA, ranë 0.2% muajin e kaluar, kryesisht për shkak të uljes së shpenzimeve në restorante. Shpenzimet në spitale gjithashtu ranë, pasi mendohet se pacientët kanë qëndruar larg nga frika e infektimit me koronavirus. Familjet gjithashtu shkurtuan shpenzimet për rekreacion.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.