SHBA shtyn tarifat tregtare – Do të heqë nga lista disa produkte deri më 15 Dhjetor
Presidenti i Shteteve të Bashkuara, Donald Trump, u tërhoq nga afati i 1 Shtatorit për rritjen e tarifave ndaj mallrave kinezë të importit, duke vonuar barrierat për celularët, kompjuterat dhe mallra të tjerë të konsumit, në mënyë që të zbusë ndikimin e tyre gjatë shitjeve të sezonit të pushimeve në SHBA. Vonesa e tarifave, që do ndikojë thuajse gjysmën e 300 miliardë dollarë mallrave kinezë, solli rritjen e madhe të bursave dhe lehtësim mbi luftën tregtare.
Tarifat e Trump do të bëhen efektive nga data 15 Dhjetor, për mijëra produkte përfshirë veshjet. “Po e bëjmë këtë për sezonin e Krishtlindjeve, në rast se disa prej tarifave do të kenë ndikim te konsumatorët amerikan”, tha Donald Trump. Zyra e përfaqësuesit të Tregtisë në SHBA, lajmëroi vendimin pak minuta pas një bisede në telefon të zv/Kryeministrit kinez Liu He me zyrtarët amerikan.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.