SHBA-të krijojnë forcën hapësinore – E para forcë ushtarake në 70 vite, Trump: Luftërat e ardhshme, hapësinore

Presidenti amerikan, Donald Trump ka inauguruar zyrtarisht krijimin e një force të re ushtarake amerikane, për herë të parë pas 70 vitesh. Ajo është forca hapësinore amerikane. “Hapësira është dominimi i ri luftarak global”-deklaroi  Trump gjatë ceremonisë së firmës së aktit të autorizimit të mbrojtjes kombëtare të 2020-ës, pranë bazës Andrews, jashtë Washingtonit.

“Mes kërcënimeve të rënda të sigurisë tonë kombëtare, superioriteti amerikan në hapësirë është absolutisht jetësor”, nënvizoi presidenti amerikan. Krijimi i kësaj  force të re ushtarake është pjesë e një pakete të re shpenzimesh qeveritare prej 1.4 trilionë dollarësh, përfshirë këtu edhe buxhetin e Pentagonit. Me këtë lëvizje, Shtetet e Bashkuara të Amerikës  dhe forcat e saj ushtarake bëjnë një hap tjetër përpara të gjithë të tjerëve, sidomos në garën hapësinore, të cilën duket se e dominon prej disa dekadash.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.