SHBA vendos tarifa për aluminin. Gjermania, eksportuesi më i madh, do ketë një normë deri në 242.8%
Departamenti i Tregtisë në SHBA, ka vendosur tarifa përfundimtare “anti-dumping” ndaj fletëve të aluminit nga 18 vende të hetuara, përfshirë deri në 242.8% ndaj importeve gjermane dhe 4.83% nga Bahreini. Tarifat u lajmëruan pak orë pasi guvernatorja e Rhode Island, Gina Raimondo, fitoi konfirmimin si sekretarja e re e Tregtisë, në një votim me 84 pro dhe 15 kundër në Senat. Rasti i anti-dumpingut dhe një tjetër çështje kundër subvencioneve, u nisën nën administratën e Donald Trump në Mars 2020.
Fletët e zakonshme të aluminit përdoren në fasadën e ndërtesave, trupat e rimorkiove e deri tek tabelat e sinjalistikës rrugore. Gjermania kishte normën më të lartë anti-dumping, në 49.4% deri në 242.8%. Vendi ka pasur eksportet më të mëdha të fletëve të aluminit drejt SHBA, me 286.6 milionë dollarë në vitin 2019.
Bahreini, vendi i dytë me eksporte deri në 241.2 milionë dollarë, mori një normë të anti-dumpingut në 4.83% dhe janë normë kundër subvencioneve prej 6.44%. Administrata e Tregtisë Ndërkombëtare publikoi një dokument ku tregonte norma të anti-dumpingut dhe anti-subvencioneve nga vende të tjera, përfshirë Kroacia, Greqia, Italia, Rumania, Serbia, Sllovenia, Spanja, Turqia, e të tjera. Tarifat do jenë sipër 10%-shit të vendosur në shumicën e importeve të aluminit nga administrata e Trump.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.