Shefat me pagat më të mëdha në Britani – Soriot i AstraZeneca, në vendin e parë me 21.25 mln USD. Mesatarja, $3.68 mln

Shefi ekzekutiv i AstraZeneca, Pascal Soriot, ishte shefi më i paguar i kompanive në britani për vitin 2020, një vit ku ekzekutivi mesatar i 100 kompanive më të mëdha që listohen në indeksin FTSE 100,  pati rënie të pagës me thuajse 20%.

Soriot, që ka marrë kritika për trajtimin e pandemisë, pavarësisht se kompania ka prodhuar vaksinën në çmim kostoje, ka fituar 21.25 milionë dollarë, sipas raportit nga Qendra e Pagave të Larta.  Kjo është shumë sipër pagës mesatare për CEO-t në indeksin kryesor të aksioneve në britani FTSE 100 prej 3.68 milionë dollarë.

Shifra e fundit vjen në rënie nga 4.45 milionë dollarë në vitin 2019, por është ende 86 herë më e lartë se të ardhurat e një punëtori mesatar në Mbretërinë e Bashkuar. Aksionerët i kanë kërkuar ekzekutivëve që të ndajnë barrën financiare, ndërkohë që kompanitë në shumë sektorë kanë pësuar një vit të vështirë, me masat e karantinave që kanë goditur shitjet.

Përqindja e kompanive që paguajnë bonuse ra në 64% nga 89% në vitin 2019, ndërkohë që 77% kanë paguar incentiva afat-gjatë, bazuar në peformancë, krahasuar me 82% në vitin e kaluar. Prej 9 kompanive që morën para publike përmes skemës së financimit të punëtorëve të qeverisë, paga mesatare e ekzekutivëve ishte 3 milionë dollarë. Duke përmbledhur 5 personat me të ardhurat më të mëdha, shefi i Experian, Brian Cassin fitoi 14.1 milionë paundë, Albert Manifold i CRH fitoi 13.57 mln dollarë, Laxman Narasimhan i Reckitt Benckiser, mori 12.65 milionë dollarë dhe Rob Perrins i Berkeley’s, fitoi 11 milionë dollarë, sipas raportit.

Klevis Llaha/ SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.